Hæ þú.

2006-09-05T13:07:00.000Z

Ferlega góðir-SIGN.

2006-08-13T20:09:00.000Z

www.gully.blog.is

Er búin að gera enn eina síðuna, já ég veit að ég er biluð, en hún er með myndaalbúmi sem þessi er ekki með. Ætla að prufa hina en set líka inná þessa, copy/paste er náttúrulega bara snilld :)

Það eru svosem ekkert spennandi myndir komnar inn, ætla að vera dugleg að taka myndavélina með á djammið og setja þær myndir þarna inn, þangað til verða fjölskyldumyndirnar að duga :Þ

2006-08-13T18:50:00.000Z

Rosalega er....

helgin búin að vera skemmtileg :) Ákvað á síðustu stundu að renna norður og kíkja á Fiskidaginn mikla inná Dalvík. Renndi á föstudeginum með mömmu og Jóel í bílnum, pabbi fór á hjólinu. Vorum komin um kvöldið til Ólafsfjarðar og fórum svo inná Dalvík að tékka á stemningunni og þvílík stemning sem var. Jóel var með okkur framað miðnætti en þá renndum við með hann yfir til Ólafsfjarðar og mamma varð eftir líka þannig að við pabbi fórum tvö saman, ég var að keyra einsog svo oft áður (alltof oft held ég bara) Hittum fullt af fólki og skemmtum okkur mjög vel, renndum yfir í fjörðinn um fimmleytið en ég fór tvær ferðir með fólk því það voru margir fastir á Dalvík.

Á laugardeginum kíktum við Hrönn með strákana mína yfir á Dalvík, sáum skemmtiatriði og fengum okkur fisk, þvílíkur fólksfjöldi sem var þarna VÁ. Fórum yfir í Ólafsfjörð og tókum því rólega í góðan tíma til að safna kröftum fyrir kvöldið ;)
Ég, mamma, pabbi og Hrönn fórum svo aftur inná Dalvík að horfa á flugeldasýninguna kl hálf tólf, hún var æðisleg, og svo tók við að rölta um og hitta fólk.
Það voru nokkrar ferðir farnar milli Ó-fjarðar og Dalvíkur um nóttina en sumir voru í þannig ástandi að það þurfti að koma þeim heim og hver annar en ég er nógu vitlaus að vera á bíl á svona dögum en þetta var í lagi.

Það besta við kvöldið var að hitta fólk sem maður hefur ekki séð í mörg ár, alltof mörg ár, gaman að ná að kjafta aðeins og rifja upp "gamla tíma", dí maður hljómar einsog maður sé orðinn eldgamall :)

Rennum heim á morgun, nennti ekki að keyra í allri umferðinni sem var í dag, er ekki nógu þolinmóð til þess að keyra í bílalest á 80.

2006-08-11T01:04:00.000Z

Athyglisvert í meira lagi

"Þriggja bíla árekstur varð í Ólafsfirði í kvöld en engan sakaði að sögn lögreglu. Slysið atvikaðist með þeim hætti að jeppi með erlendum ferðamönnum ók inn í hlið annarar bifreiðar við gatnamót Aðalbrautar og Ægisbrautar. Við þetta kastast bifreiðin sem ekið var á á þriðju bifreiðina sem kom úr gagnstæðri átt. Að sögn lögreglu eru a.m.k. tvær bifreiðanna ónýtar eftir áreksturinn." Tekið ORÐRÉTT af Mbl.is

OK, það sem er athyglisvert er í fyrsta lagi það að það hafi orðið þriggja bíla árekstur þarna þar sem að 2 bílar eyðilögðust, það gerist ekki oft.

Það sem er ENN athyglisverðara er að hvorki Aðalbraut né Ægisbraut eru til í Ólafsfirði, það eru til AðalGATA, ÆgisGATA og ÆgisBYGGÐ. Bæði ÆgisBYGGÐ og ÆgisGATA liggja að AðalGÖTU en ég giska á að þetta hafi verið á Aðalgata/Ægisbyggð gatnamótunum því það kemur svosem ekki á óvart að erlendir ferðamenn hafi gert mistök á þeim gatnamótum (ég geri að sjálfsögðu ráð fyrir því að þetta hafi verið þeim að kenna, ekkert nema fordómar að sjálfsögðu)

Kannski að það hafi gengið yfir götunafnabreytingafaraldur síðustu vikur en mér þykir það ólíklegt, ég fæ þá að sjá það á morgun þar sem ég er að fara norður.

2006-08-03T01:23:00.000Z

Töffarastælar :)

Er Jóel Ernir ekki hrikalega flottur með hanakambinn sinn :)

Þetta er hjólið MITT :) Þó það sé ekki mikið fyrir augað núna þá er mér alveg sama því ég kemst út að hjóla og það er það sem skiptir máli, neita því ekki að það verður hrikalega gaman næsta sumar þegar búið verður að gera það virkilega flott :)

2006-08-01T19:05:00.000Z

Sjæse......

Hvað bjána er NFS að fá í viðtöl til sín eiginlega? Var að horfa á Ísland í dag frá því í gær og ég á varla til orð. Eini viðmælandinn með einhverju viti var löggan, hinir tveir (bifhjólamaður og fréttamaður) voru ekki að gera sig. Bifhjólamaðurinn sagði jú eitthvað af viti einsog t.d. að það er ekki eðlilegt að löggan geti sent hjól í endurskoðun bara "því þeir vilja það"

Æji, maður verður bara hálf fúll yfir svona bulli svo bætir það ekki úr skák að "fréttamaðurinn" svínaði illilega í veg fyrir okkur Sævar þegar við fórum á fundinn uppí Laugardalshöll þannig að ég verð alltaf mjög pirruð þegar ég sé smettið á honum og mér fannst hann segja virkilega "misgáfulega" hluti einsog til dæmis með "ímyndina", að við klæðum okkur í leður og blablabla......vill maðurinn að við séum í gallabuxum og hlýrabol á hjólinu eða hvað!!!

2006-08-01T00:54:00.000Z

Aftur út :)

Fór aftur út að hjóla, kíkti heim til mömmu og pabba en pabbi var auðvitað sjálfur að hjóla en mamma kíkti á gripinn og kjaftaði við mig úti. Fór svo rúnt um Hafnarfjörð, útá Álftanes og meira um Hafnarfjörð. Ohh hvað þetta er gaman.

Ótrúlegt hvað maður er fljótur að "finna taktinn" þó maður hafi ekki hjólað neitt að ráði í fyrrasumar, ég hélt að ég yrði einsog fáviti drepandi á hjólinu í tíma og ótíma og skjálfandi en þetta er ótrúlega fljótt að koma og ég er bara nokkuð stolt af sjálfri mér :)

Ætla sko að vera rosalega dugleg að hjóla því ég finn strax hversu mikið þetta gefur mér og öryggið verður fljótt að koma þannig að maður verður að vera duglegur halda sér við.

Sævar fór að hjóla með Agga og hvað haldiði.....hann fór á hjólinu MÍNU :)

2006-07-31T21:51:00.000Z

Loksins búin að fara út að hjóla.

Þá er maður loks búin að komast út að hjóla :) Tók rúnt útá Álftanes áðan og ætla að skella mér aftur núna, pínu stress og taugaveiklun í gangi en ég verð bara að vera dugleg að æfa mig og þá verð ég fljótlega örugg.

Jæja, er farin út að hjóla.

2006-07-29T17:41:00.000Z

Skondið :)

Var að lesa frétt inná Vísir.is um hjólamann sem keyrði einsog geðsjúklingur á um 200 km hraða og stakk lögguna af, mér finnst þetta alls ekki skondið EN það sem mér fannst mjög skondið er myndin sem fylgir fréttinni en þar er þessi líka fíni Hippi (sé ekki hvaða tegund en læt Sævar tékka á því) sem ég á AFSKAPLEGA erfitt að sjá fyrir mér stinga lögguna af :)

2006-07-28T18:36:00.000Z

Loksins búin að fá hjól :)

Jæja, þá kom loks að því að ég fengi hjól. Það átti reyndar ekkert að gerast fyrr en næsta vor en þar sem maður er prinsessa nr. 1 þá fær maður sínu framgengt :)
Sævar hringdi í mig fyrr í dag og spurði hvort ég vildi ekki koma með honum að ná í hjólið sem hann hefði verið að kaupa handa mér, ég hélt að hann væri að grínast en nei, nei þetta var fúlasta alvara sem betur fer.

Þetta er Suzuki Intruder 800cc, 1996 árgerð. Hann er hrikalega ljótur á litinn, sjúskaður og ryðgðaður (hljómar þetta ekki vel :) en næsta sumar verður þetta flottasti Intruderinn á svæðinu því hann verður rifinn í frumeindir í vetur og lagaður til. Mótorinn og allt sem skiptir máli er í góðu lagi þannig að þetta eru bara útlits"snyrtingar" sem þarf að gera og reyndar vill ég líka láta setja forward-control því mér finnst það bæði flottara og svo þægilegra fyrir mig þar sem ég er ekki með stystu lappirnar á svæðinu:)

Þannig að STELPUR nú fer alveg að koma að því að ég geti farið að hjóla með ykkur, hefði getað það strax ef Sævar hefði ekki afrekað að brjóta annan pedalann af þegar hann var að rétta hann en hey, þetta er allt á rétti leið.

2006-07-25T13:56:00.000Z

Myndavélin mín er fundin :)

Mikið er ég glöð núna. Myndavélin mín sem er búin að vera týnd síðan í DESEMBER er fundin, ég hélt ég myndi aldrei sjá hana aftur en Sævar fann hana í gærkveldi.

Hvar var hún???? Jú, hún var ofaní kassa með jólaskrauti :) Ég hef hent henni þar til að geyma í "smástund" og svo gleymt henni þar. Hún hefði sjálfsagt fundist um næstu jól en það er ágætt að fá hana núna svo maður geti tekið almennilegar myndir því gamla vélin sem ég er með er hundléleg.

2006-07-24T00:09:00.001Z

Smá breyting á kommentakerfinu.

Er farin að fá þvílíka spamið í kommentakerfið þannig að núna er ég búin að setja "word verification" á það, þið þurfið að stimpla inn nokkra stafi áður en þið sendið inn komment, sjáið þetta bara þegar þið skiljið eftir athugasemd, verðið dugleg við það er það ekki :)

Nenni bara ekki að standa í þessum sendingum sem einhverjar tölvur útí heimi eru að troða þarna inn með allskyns leiðindaslóðum og rusli.

2006-07-24T00:09:00.000Z

Smá breyting á kommentakerfinu.

Nenni bara ekki að standa í þessum sendingum sem einhverjar tölvur útí heimi eru að troða þarna inn með allskyns leiðindaslóðum og rusli.

2006-07-23T20:48:00.000Z

Djamm og leti.

Síðustu vikur hafa einkennst af yfirgengilegri leti og hevý djammi þess á milli. Um síðustu helgi var það Hressó, föstudagskvöldið með Sigrúnu og Andreu, svo kom "gengið" mitt seinna um kvöldið þ.e. Eva, Halldór, Guðrún, Heiða og Hrund ásamt fleirum. Við dönsuðum þvílíkt og skemmtum okkur dúndurvel, var komin heim um sjö á laugardagsmorgninum. Fór svo í Smáralind/Kringluna með Evu á laugardeginum og var mætt á djammið aftur um kvöldið. Við Guðrún kíktum snemma á Hressó og vorum mættar rúmlega tólf, seinna komu Eva og Halldór og byrjaði þá stuðið fyrir alvöru, svo bættist fleira fólk í hópinn, við stelpurnar dönsuðum einsog brjálæðingar og fórum heim um sexleytið, mikið stuð á okkur.

Vikan hefur farið í rólegheit og afslöppun, við Guðrún kíktum á kaffihús og leyfðum strákunum okkar að hlaupa um á Austurvelli og gera fólk brjálað, gaman að því :)

Í gær fór ég í brúðkaup Evu Páls og Gunna, þetta var skemmtilegasta brúðkaup sem ég hef farið í og ég er hissa á að ég hafi ekki litið út einsog þvottabjörn í framan eftir það því ég bókstaflega grenjaði úr hlátri yfir skemmtiatriðunum í veislunni. Kíkti beint úr veislunni uppí Óskabarnahúsnæði en þar var partý, ég var "pínu" of fín og renndi heim að skipta um föt. Endaði á að kíkja á Evu og "gengið" niðrí bæ, þau voru á Óliver en það er ekki beint minn uppáhaldsstaður enda var ekkert dansað eða neitt, fórum bara snemma heim og ég var komin heim um fimm. Horfði á GOLF í allan dag, já ég er ekki að grínast. Leti í algjöru hámarki og núna sit ég við tölvuna hámandi í mig melónu, nammi namm.

2006-07-09T23:56:00.000Z

Blákaldur veruleikinn tekinn við.

Þá er maður kominn heim eftir vel heppnaða ferð til Tenerife, nenni nú ekki að fara að tala um allt sem við gerðum en við fórum t.d. í Go-kart, 2 dýragarða, tattoo, rennibrautagarð, siglingu og margt skemmtilegt. Farið út að borða og við nutum lífsins svo sannarlega.
Á meðan við vorum úti fengum við því miður mjög sorglegar fréttir. Daginn eftir að við komum fæ ég hringingu þar sem mér er sagt að Konni, gamall vinur að norðan, hafi látist um nóttina og nokkrum dögum seinna er hringt í Sævar og þá hafði Heiddi #10 látist í mótorhjólaslysi stuttu áður. Erum að fara norður á morgun til að vera við jarðarförina hans Heidda.

Svona fréttir sýna manni alltaf hversu dýrmætt lífið er, við verðum að lifa fyrir daginn í dag því við vitum aldrei hvort við munum eiga fleiri daga.

Hvílið í friði strákar, ykkar verður sárt saknað.

2006-07-05T17:37:00.000Z

Tattoo á Tenerife :)

Gleymdi ad taka tad fram sídast ad ég fékk mér tattoo fyrir rúmri viku sídan :) Ferlega fallegt lítid saett fidrildi á oxlina, Saevar er búinn ad fá sér 2 ný líka, brjálad stud á okkur.

Jaeja, er farin út ad borda "loka"máltídina hérna úti og svo heim í nótt. Sjáumst hress heima á klakanum innan skamms.

2006-06-30T17:13:00.000Z

Tenerife

Ta er madur ad kikja a netid i fyrsta skiptid i ferdinni, enda nog annad ad gera :)

Brjaladur hiti og sol, alveg yndislegt en stundum adeins of heitt. Erum buin ad liggja mikid vid laugina og slappa verulega mikid af, iskaldur bjorinn rennur audveldlega nidur tessa dagana enda er hann hraeodyr og um ad gera ad nyta ser tad.

Erum buin ad fara i einn dyragard sem heitir Jungle Park og var tad virkilega gaman. Forum svo i skutusiglingu og saum tar hofrunga og hvali, mikil upplifun fyrir strakana en teir fengu lika ad upplifa sjoveiki og aeldu badir en tad gekk fljott yfir.

Forum i annan dyragard i dag sem heitir Monkey Park og tar var hellingur af opum lausir og teir komu til okkar ad borda en vid keyptum poka med mat handa teim, geggjad ad hafa tessi dyr hlaupandi um og hoppandi a sig, nadum morgum godum myndum af tessu.

Audvitad er buid ad fara ut ad borda oll kvold nema i gaer en ta vorum vid Saevar svo treytt ad vid vorum bara heima og fengum svo gesti til okkar um kvoldid og satum uti a svolum ad sotra bjor og fleira gott :)

Lifid er svo ljuft herna en tad verdur lika gott ad koma heim, "utlendingarnir"taer Gudrun fraenka min og Bjarklind magkona eru akkurat i heimsokn a klakanum nuna og verdur gaman ad hitta lidid.

Vona ad allir hafi tad gott heima, vid herna a Tenerife hofum tad mjog gott svo ekki hafa ahyggjur af okkur, hehe.

2006-06-21T15:13:00.000Z

Tenerife á morgun :)

Alveg vissi ég að sólin myndi láta sjá þig þegar við værum að fara út, búið að vera ömurlegt veður en núna skín sólin skært og þvílík blíða, strákarnir bara úti á stuttbuxum.

EN mér er alveg sama því við erum að fara til Tenerife á morgun, sjæse. Ég er ekki byrjuð að pakka, gamla á síðustu stundu alltaf en ég ætlaði sko að pakka í gær en það gengur ekki alveg eftir :)

Við ætlum nú ekki að taka nein ósköp með okkur, maður verslar sér bara sumarföt úti ef mann vantar eitthvað og svo auðvitað annað bikini, það þýðir ekkert að eiga bara eitt sett, ónei maður verður að hafa úr einhverju að velja.

Annars er ég að fara til læknis á eftir, mér var troðið að þar sem ég er að fara út. Er búin að vera að drepast í hægri fætinum og get varla stigið í hælinn, ömurlegt alveg en hjúkkan hélt að þetta væri sinaskeiðabólga, já já ég sem hélt að það væri nú bara hægt að fá svoleiðis í úlnliðinn en svo er greinilega ekki. Vona að þetta sé eitthvað sem hverfur fljótlega því ég nenni sko ekki að vera svona úti, ónei en ef svo fer þá verð ég bara að drekka nóg til að deyfa mig, hehe.

2006-06-19T00:25:00.000Z

Loks út að "hjóla"

Kíkti til Heiðu í gærkveldi, fór seint því Sævar var úti að hjóla og kom ekki heim fyrr en um eittleytið en ég lét það ekki stoppa mig. Fór ekkert í bæinn heldur sat og kjaftaði við liðið hjá Heiðu. Var bara edrú þó að NÓG væri í boði, þvílíkir gestgjafar sem þau hjón eru.

Við Sævar tókum góðan hjólarúnt í dag, hittum Mára í Mosó og hann kom með okkur. Renndum Hvalfjörðinn með stoppi í Ferstiklu og svo uppá Skaga, vorum í næstum þrjá tíma. Það var alveg yndislegt að komast loks út að hjóla þó ég yrði að sætta mig við að vera bara hnakkaskraut í þetta skiptið, kaupi mér hjól fyrir næsta sumar það er alveg á hreinu. Verð að byrja á einhverju ódýru en kaupi mér svo nýtt þegar ég er komin með almennilega reynslu. Spurning hvort ég verði enn svona veik fyrir Fazernum eða maður verði búinn að sjá eitthvað annað. Sævar er nú ekkert alltof hrifinn af þessu hjólavali mínu þar sem hann er chopper maður í gegn :)

2006-06-17T18:08:00.000Z

Partý partý..........

Ég sem ætlaði aldeilis að vera róleg um helgina eftir ansi skrautlega síðustu helgi en nei, nei maður á svo skemmtanaglaða vini að maður fær ekki að komast upp með það :)

2 partý í kvöld, ætli ég deili mér ekki á milli þeirra og láti sjá mig í báðum. Hugsa að við endum svo í bænum, mig langar a.m.k. rosalega mikið að komast í bæinn og dansa almennilega því það er ansi langt síðan síðast. Kemur allt í ljós í kvöld.

2006-06-17T15:58:00.000Z

17. júní og Víkingahátíð.

Kíktum með strákana á Víðistaðatún en þar var smá tívolí. Sævar og Ómar ákváðu að fara í fallturninn en það þurti aðeins að sannfæra hann Ómar því hann er frekar ragur við svona en það er ekki hægt að segja það sama um Jóel, hann heimtaði að fara með og fékk það. Hann var ekki til hræddur og hló einsog vitleysingur allan tímann, Ómar og Sævar skemmtu sér líka vel.

Keyptum candy floss og stór snuð, fylgir þessum degi víst. Nenntum nú samt ekki að stoppa lengi heldur drifum okkur á Víkingahátíðina, þar er sko stuð. Ekkert nema víkingar í fullum klæðum með sverð og önnur vopn, klæddir í ekta víkingaföt og vígalegir. Alveg frábært að sjá allt þetta fólk sem ferðast á milli landa og tekur þátt í svona hátíðum, ekkert smá sem fólk lifir sig inní þetta og sjá litlu krakkana sem hlaupa um í þessum fötum og skemmta sér svo vel, hlýtur að vera skemmtilegt að eiga svona "víkingaforeldra" og fá að upplifa þetta allt.

Við Sævar keyptum okkur hringa á markaðnum þarna, hrikalega töff. Kallinn setti nöfnin okkar í rúnatáknum á hringana þannig að á mínum stendur Guðlín, mjög flott og ég er mjög ánægð með hann. Renndum svo aðeins inní Reykjavík en nenntum ekki að stoppa þar, ætlum að fara á Víkingahátíðina aftur á eftir og fylgjast með bardögum og svoleiðis, alltaf gaman að því.

2006-06-16T14:39:00.000Z

Einn daginn, já einn daginn.....

Mig langar í þetta hjól, reyndar silfrað en þetta er líka geggjað. Yamaha FZ6 Fazer heitir gripurinn og mig langar í svoleiðis NÚNA en ég verð víst að vera þolinmóð, maður getur ekki fengið allt í einu.
Er að fara út eftir 6 daga og er orðin svo hrikalega spennt, sérstaklega þar sem að áætlanir breyttust þannig að Eva og Halldór koma líka, JIBBÝ.

2006-06-14T14:43:00.000Z

Perrar bekkjarins

Ég og Óli Pálmi í stuði, Andrea kallar okkur perra bekkjarins en ég segi bara að við séum Ólafsfirðingar enda ekkert eðlilegur þjóðflokkur það, ég stal þessari mynd frá henni þar sem myndavélin mín dó og ég á ekki eina einustu mynd frá helginni.

2006-06-03T12:29:00.000Z

Kíkti með Andreu í bæinn í gærdag, hef ekki hlegið jafn svakalega í langann tíma :) Við röltum Laugaveginn, kíktum á Hressó þar sem við Jóel Ernir fengum okkur að borða og vá hvað maturinn kom mér á óvart, Andrea sagði að hann væri góður og það er sko alveg satt.

Eftir búðarráp og hlátur skelltum við okkur að heimsækja Elísubet og hann Jason Karl, þvílíkt krútt sem barnið er. Jóhanna María var hjá henni þegar við komum og var hún með Heiðu Maríu, það er annað mega krútt, yndisleg þessi börn.

Ætlaði ekkert að gera um kvöldið en Eva María hringdi í mig og ég ákvað að kíkja með þeim aðeins út, Fanney Anna kom og passaði fyrir mig. Við sátum og kjöftuðum heima hjá Evu og Halldóri en þar voru líka Árni, Raggi og Bára. Kíktum niður í bæ, fórum á Hressó en guð minn góður hvað var ógeðslega "slísí" fólk í bænum í gær, þeir fáu sem voru. Við stoppuðum mjög stutt og ég var komin heim til mín klukkan fjögur.

Ætla að fara að drífa mig út í góða veðrið, Ómar Örn og vinur hans eru í sundi og maður ætti kannski að gera hið sama, ná sér í smá brúnku :)

2006-05-30T02:04:00.000Z

Skrítið.

Það er svo skrítið hvað hugur manns er furðulegt fyrirbæri. Var að fá Fréttablaðið inn um lúguna áðan og þar sá ég að búið er að birta nafnið hans Bigga, ég vissi á laugardaginn að hann væri farinn en að sjá nafnið hans svona í blaðinu gerir þetta svo raunverulegt. Það er eins og hugurinn nái ekki alveg utan um þetta strax en svo alltíeinu sér maður stafi í blaði og þá áttar maður sig á því að þetta er alvara og að hann er í alvörunni farinn.

2006-05-28T11:22:00.000Z

Lífið er svo sannarlega hverfult. Í gær fékk ég þær fréttir að gamall félagi að norðan hefði látist í slysi um borð í Akureyrinni ásamt skipsfélaga sínum. Mikið finnst manni lífið ósanngjarnt þegar svona hörmuleg slys verða og maður er illþyrmilega minntur á það hversu berskjaldaðir menn eru á sjó. Ég er búin að leita að réttu orðunum til að setja hér inn síðan í gær en bara finn þau ekki og því set ég inn lítið ljóð sem ég fann.

Ég kveð þig, hugann heillar minning blíð,
hjartans þakkir fyrir liðna tíð.
Lifðu sæll á ljóssins friðarströnd,
leiði sjálfur drottinn þig við hönd.

Biggi minn, þín verður sárt saknað af öllum sem þig þekktu. Hugur minn er hjá fjölskyldu þinni og einnig fjölskyldu skipsfélaga þíns sem fór með þér í þessa hinstu för.

2006-05-12T12:41:00.000Z

Furðulegir foreldrar

Var að lesa frétt um móður sem haldin er "barnablindu" á háu stigi. "Barnablinda" er þegar foreldrar eru algjörlega blindir eða í afneitum á það að börnin þeirra geri nokkuð rangt. Ég bara þoli ekki svona fólk en því miður eru ansi margir svona.

Fréttin fjallaði um það að verið var að dæma konu í 6 mánaða fangelsi fyrir að berja kennara 12 ára dóttur sinnar en það gerði hún inni í kennslustofunni fyrir framan öll börnin. Mamman dró kennarann á hárinu, sparkaði í hana og barði með þeim afleiðingum að kennarinn marðist illa, braut 2 rifbein, fékk heilahristing og meiddist á hálsi.

Þið hugsið kannski að kennarinn hljóti nú að hafa gert eitthvað svakalegt af sér fyrst móðirin bregst svona við, hhmm glæpur kennarans var að koma að stelpunni þar sem hún var í óleyfi frammi á gangi og hún skammaði hana. Já gott fólk kennarinn vogaði sér að skamma dömuna en guð forði börnunum okkar frá því að fá á sig skammir þegar þau gera eitthvað sem er bannað, uss það gæti haft alvarlegar afleiðingar fyrir þau.

Mamman er náttúrulega búin að sýna öllum bekknum réttu aðferðina, jájá bara riðjast inn og tæta kennarann í sig, það kennir börnunum að sjálfsögðu að bera virðingu fyrir fólki og agar þau, já að sjálfsögðu.

2006-05-01T12:23:00.000Z

Hópkeyrslan er í dag!!!!!!!!!!!!!

1. mai keyrslan er í dag, fullt af hjólum og skemmtilegu fólki. Um að gera að mæta og skoða hjólin, fá sér kaffi og kjafta.
Ég ætlaði að vera hnakkaskraut hjá einhverjum þar sem ég á ekki hjól og það er bara sæti fyrir 1 á hjólinu Sævars en ég verð að láta mér duga að fara á bílnum og horfa á rununa :( Eins gott að ég verði komin á hjól á næsta ári, þetta gengur ekki.

Hér eru upplýsingar um keyrsluna, hvar er keyrt og svoleiðis:
http://www.sniglar.is/read_news.php?news=484

2006-04-29T16:29:00.000Z

Leti leti leti

Þvílík tölvuleti hefur hreiðrað um sig síðustu daga hjá mér en ég er öll að koma til :)

Ég var að keyra hana Fanney Önnu í verklega bílprófið í gær, þvílíkt stress í gangi hjá henni en auðvitað flaug hún í gegnum það og var bara með eina villu, glæsilegt hjá dömunni enda ekki við öðru að búast þar sem hún er systir mín, hahaha.

Ég fékk samt efasemdir um það að vilja hafa hana keyrandi um göturnar, ekki að ég treysti henni ekki heldur sá ég svo marga fávita keyrandi um í gær og það eru þeir sem ég treysti ekki, sá t.d. einn taka hægri beygju þó að hann væri á vinstri akrein og bíll við hliðina á honum, gaurinn var fremstur á ljósum og um leið og það varð appelsínugult gaf hann allt í botn og rauk yfir og fyrir bílinn sem var hægra meginn. Er líka búin að sjá 3 fara yfir á eldrauðu síðustu daga, þeir gerðu það allir viljandi og skimuðu vel í kringum sig til að vera vissir um að löggan væri ekki á svæðinu og svo bara *púff* farnir yfir, já það er ýmislegt sem ungir strákar gera sem þeir halda að sé ógurlega töff en er í raun virkilega hallærislegt.

Var bara heima í gærkveldi, sofnaði yfir sjónvarpinu um tólf en Sævar ýtti í mig og ég skellti mér inní rúm, var eitthvað svo ógurlega þreytt.

Ég er loksins á leið í ræktina aftur, er búin að skrá mig á námskeið sem er 3 daga í viku og ætla þess á milli að mæta og lyfta, þýðir ekkert annað ef maður ætlar að láta sjá sig á bikini á ströndinni í sumar.

2006-04-23T03:29:00.000Z

Maður getur verið svo klikkaður.

Sá þáttinn "Bikinimódel Íslands" í kvöld, hmmm ætla ekki að tjá mig mikið um "innihald" þessa þáttar en ég fylltist þvílíkri forvitni um þetta þegar sagt var að eitthvað óvænt myndi gerast og grunaði bara eitt......auðvitað hafði ég rétt fyrir mér :)

Ég fór og googlaði aðeins og sá þá mynd af Rakel þar sem hún stóð á sviði í Las Vegas að keppa en ekki Ósk Norðfjörð en hún "vann" hérna heima þannig að hún átti að fara út. Það verður gaman að sjá hvað varð til þess að hún fór ekki þannig að ég verð auðvitað að sjá næsta þátt, þ.e. ef ég man eftir því :)

2006-04-18T11:45:00.000Z

Nýjar heimasíður strákanna
Fyrir þá sem kíkja á heimasíðurnar hjá strákunum mínum þá eru þeir komnir með "nýjar", eru reyndar búnir að eiga þessar í mjög langan tíma en núna eru þær orðnar "aðal" því ég er ekki að nenna barnalandi akkúrat núna.

Ómar Örn er með http://www.barnanet.is/omarorn
Jóel Ernir er með http://www.barnanet.is/joelernir

Endilega kíkið á þær og skrifið í gestabókina :) Ég er búin að setja inn helling af myndum hjá þeim og skrifa í dagbækurnar.

2006-04-17T13:49:00.000Z

Þynnka dauðans yfirstaðin
Ég hélt að ég myndi ekki lifa gærdaginn af, þvílíkur andskoti sem þessi þynnka er. Ég fær hroll við að hugsa um þetta.
Við hittum sko Röggu og Hróa (þau búa á neðri hæðinni) hér fyrir utan og við ákváðum að kíkja aðeins inní skúr, það endaði auðvitað í miklu bjór/rauðvíns/koníaks þambi og við í brjáluðu stuði. Sævar brenndi næstum niður bílskúrinn þegar hann ákvað að losa öskubakkann í ruslið, hann spáði ekkert í það að það gæti verið glóð í einherju og fór bara inn að ná í eitthvað. Ég fór að finna þessa líka svaðalegu lykt og þegar Sævar kom inn fattaði hann þetta enda þá farið að rjúka uppúr ruslatunnunni, þvílíkur viðbjóður. Hann reddaði þessu enda með 2 slökkvitæki í skúrnum en djöfuls bræla sem var af þessu.
Við urðum sígarettulaus en við reddum okkur alltaf, hringdum bara á leigubíl og ég fór með honum uppá Stöð til að kaupa sígó :)
Ég fór inn um hálfsex en Sævar og Hrói voru áfram og skriðu ekki inn fyrr en um hálf níu.
Ég get svarið það að ég hélt að hausinn væri að springa af mér og ég stundaði mikla klósettköfun í gær, hélt engu niðri og var bara eins og aumingi.
Þetta er akkúrat ástæðan fyrir því að ég er nánast alltaf edrú, ég nenni ekki að standa í þessum andskota og það er alveg á hreinu að ég mun ekki drekka áfengi næstu mánuðina því gærdeginum gleymi ég ekki í bráð.

2006-04-15T16:10:00.000Z

Djöfuls viðbjóður.....heimska heimska fólk
Sá þátt í sjónvarpinu sem heitir Painted Babies og fjallar hann um barna"fegurðarsamkeppnir".
Ef þetta er ekki algjör paradís fyrir barnaníðinga að fara á svona þá veit ég ekki hvað.

Það var ein 4-5 ára í netasokkabuxum, "galla" sem var bara fjólublár sundbolur fyrir utan það að það var skorið úr honum fyrir ofan "brjóstin" og þar voru einhverjar pallíettur. Hún var með fullt af fjöðrum, hárið tekið upp, stífmáluð og syngjandi "hey big spender, spend a little time with me" og strauk sjálfri sér upp og niður. Dans"hreyfingarnar" voru þannig að 15 ára ætti ekki að hreyfa sig svona hvað þá 5 ára, að horfa uppá hana var virkilega sorglegt og hreinlega viðbjóðslegt.

Mamma hennar var titluð sem "fyrrum módel" þó ég hafi nú enga trú á því að hún hafi náð frama á því sviði heldur er hún að reyna að lifa í gegnum þessa litlu stelpu. Stelpugreyið er stanslaust látin æfa sig að syngja, pósa, dansa og auðvitað má ekki gleyma strokunum, jájá það má ekki gleyma að strjúka yfir mjaðmirnar, rassinn, brjóstin og magann svona svo hún haldi nú áfram að vinna keppnirnar.

Að sjá mæðurnar standandi og horfandi á þær, skipandi þeim að brosa og horfa á dómnefndina, gefandi þeim þvílíka augnráðið og þaðan af verra ef þær standa sig ekki. Maður sá þvílíka vanlíðan á sumum stelpnanna og það var greinilegt að þáttaka þeirra í þessu var ekki það sem þær vildu vera að gera.

Ég er ógeðslega reið eftir þetta, mér líður bara hálf illa. Ótrúlegt hvað svona getur haft sterk áhrif á mann.

Ég ætla útí skúr að fá mér sígó og reyna svo að finna drenginn minn sem er grútskítugur, ógreiddur og í ósamstæðum fötum úti að leika sér. Iss, við værum ekki hátt skrifuð hjá þessu liði þarna úti, sem betur fer því ég vil ALDREI verða svona foreldri eins og þetta pakk.

2006-04-15T15:52:00.000Z

Smá munur á Húgó :)

Efri myndin er tekin í nóvember, sú neðri er tekin núna í febrúar. Hann hefur stækka aðeins á þessum 3 mánuðum:)

2006-04-13T23:33:00.000Z

Út að hjóla

Við þurftum aðeins að laga afturbremsuna hjá Sævari, hann fann það á fyrsta rúntinum að hún var ekki að virka nógu vel þannig að við löguðum það (já ég hjálpaði til :)

Hann gallaði sig svo upp og fór alvöru rúnt, kíkti uppí Sniglahúsnæði til að sýna sig aðeins :) Hann var að koma heim og brosir allan hringinn, engin smá gleði að geta farið út að hjóla, nú er bara að vona að það fari að hlýna og veðrið verði í lagi.

2006-04-13T19:50:00.000Z

Hjólið komið á götuna, jei :)

Mikil gleði í gangi núna því hjólið er tilbúið, það eru einhverjir smáhlutir eftir en ekkert sem hefur áhrif á það að hægt er að hjóla á því. Sævar varð að fara smá rúnt því hann veit ekkert hvernig er að hjóla með springer gaffalinn en við vonum bara að það sé í lagi.
Sævar sprautaði það sjálfur og það tókst virkilega vel hjá honum, mikil nákvæmnisvinna en það hafðist.
Sævar er enn að hjóla, ahhh ég heyri í honum núna þannig að hann er að koma heim. Ætla að hlaupa út og heyra hvað hann segir :)

2006-04-13T19:45:00.000Z

Rósirnar mínar

Rósirnar sem mamma og pabbi gáfu mér á afmælisdaginn, 29 rauðar rósir :)

2006-04-11T19:34:00.000Z

Hversu heftur var maður eiginlega!!!!!!!!!!!!!

Er með tónlistarstöð í sjónvarpinu rúllandi en ætlaði að skipta þegar þvílíkt væl byrjaði en ég gat nú ekki staðist að horfa á það þar sem þetta voru New Kids On The Block og GUÐ MINN GÓÐUR þvílík HÖRMUNG, það var allt vont við þetta. Þeir voru með klippingar sem Vanilla Ice hefði skammast sín fyrir og dansarnir voru of hallærislegir fyrir Ungfrú Reykjavík og þá er nú MIKIÐ sagt.

Það er verið að sýna "20 years of the best boybands" og þvílíka froðan sem þetta er, að maður skuli hafa hlustað á sumt af þessu og fundist flott, ég hálf skammast mín bara.

Það kom m.a. fram að þegar Take That hættu árið 1996 þá þurfti að stofna HJÁLPARLÍNUR fyrir milljónir (já, milljónir) unglingsstúlkna sem voru í losti yfir þessu, hvað er að?????

2006-04-11T18:11:00.000Z

Grýttu öllu LAUSLÁTU í leikmenn......

Það er svo gaman þegar blaðamenn gera svona villur :)

Þessi frétt er á www.visir.is en ég ætla að láta þetta inn hérna orðrétt áður en þeir átta sig á mistökunum og laga þau.

Svona hljómar fréttin:

"Cristiano Zanetti var skiljanlega skelfingu lostinn þegar tugir stuðningsmanna Inter frá Mílanó réðust að liðinu eftir heimkomuna frá Ascoli þar sem liðið bar 2-1 sigur úr býtum. Þessir svokölluðu stuðningsmenn voru æfir þegar Inter datt út úr Meistaradeildinni gegn Villarreal og þrátt fyrir sigur gegn Ascoli, grýttu stuðningsmennirnir öllu lauslátu í leikmennina. "

Hér er svo linkur á fréttina

2006-04-10T16:46:00.000Z

Peningaeyðsla
Djöfull er auðvelt að eyða peningum, þvílíkur munur ef það væri svona auðvelt að eignast þá líka.
Við fórum í Intersport í gær en Sævar hafði séð svaka flott hlaupahjól handa Ómari, við keyptum það og þá fór yngra afkvæmið að sjálfsögðu að betla hlaupahjól, ég sagði Sævari að hann réði þessu algjörlega og auðvitað keypti hann hjól handa Jóel, að vísu mun minna og ódýrara en Ómars en Jóel var mjög sáttur :)
Ekki batnaði það með ferð í Byko en þar keyptum við reiðhjól handa Jóel, það var reyndar planað þar sem hjólið hans er orðið svo lítið að hann er eins og risi á dúkkuhjóli þegar hann sest á það. Fengum helvíti fínt hjól á niðursprengdu verði því glitaugað að framan var brotið, ekki mikið mál að kaupa nýtt.

Ómar Örn er að fara norður, hann og Sævar eru á leiðinni útá völl núna en vélin fer hálf sex. Ég pakkaði að sjálfsögðu snjóbuxum og úlpu niður ásamt kuldaskóm, það verða viðbrigði að fara í allan snjóinn en örugglega mjög gaman.

2006-04-08T22:16:00.000Z

Húrra húrra
Er búin að vera netlaus í viku en er loksins orðin tengd aftur. Það er alveg glatað að vera svona netlaus, ótrúlegt hvað maður finnur fyrir því að geta ekki kíkt aðeins á netið, mér fannst ég alveg sambandslaus.

Ekki merkilegt búið að gerast svosem, ég var hrikalega löt á afmælisdaginn og gerði ekkert. Sævar afrekaði að GLEYMA afmælinu mínu og ég passaði mig sko á því að minna hann ekki á það. Hann fékk massa samviskubit en ég græddi bara á því, hann var nefnilega nýbúinn að selja gamla framgaffalinn af hjólinu og ég fékk 20.000 kall af því, ekki slæmt það :)
Peningurinn kom sér vel því ég fór með Evu í Kringluna daginn eftir og keypti mér geggjaðan kjól, hálsmen, eyrnalokka, armband og ilmvatn. Hafði farið í klippingu um morguninn þannig að ég var voða fín enda á leið á árshátíð um kvöldið og fór auðvitað uppdressuð í nýja kjólnum með skartið mitt og ilmvatnið, mér leið svo leið og fannst ég svo hrikalega fín, ekki oft sem manni líður þannig.

Kíkti aðeins út í gærkveldi. Fór til Evu og Halldórs en við fórum svo til Fannars að spila, voða gaman og við vorum þar til að verða fjögur.

Er einmmitt heima hjá Evu og Halldóri núna, þau eru í matarboði en ég kom til að kíkja á hana Bonitu (hundur) en hún er eitthvað veik greyið. Er bara að stelast í tölvuna þeirra :) Er að hugsa um að fara heim og fara á djammgallann því okkur er boðið í partý til Fannars, aldrei að vita nema maður kíki svo í bæinn og taki nokkra hringi á dansgólfinu en það er orðið alltof langt síðan maður gerði það.

2006-03-31T00:32:00.000Z

Afmælisdagurinn runninn upp :)

Var að fatta það að afmælisdagurinn minn, 31. mars, er tæknilega séð runninn upp þannig að ég er orðin 29 ára.

Ég ætlast til að fá hamingjuóskir í kommentin :)

2006-03-31T00:18:00.000Z

Aumingja stelpurnar
Horfði á part af keppninni um Ungfrú Reykjavík og guð minn góður. Hvaða fífl sá um að útsetja þessi hörmungar dansatriði, ja eða tískusýningar eins og þetta kallast víst. Ég emjaði úr hlátri yfir þessu en dauðvorkenndi stelpunum að standa þarna og gera sig að fíflum, ætli "höfundurinn" hafi setið glottandi yfir því að fá þær til þess að gera þetta eða var manneskjunni full alvara með þessu, svei mér þá ég trúi því varla.
Ekki er ég danshöfundur eða sérlegur ráðgjafi um það hvernig tískusýningar eiga að fara fram en ég veit að ég hefði getað gert betur.

2006-03-28T23:08:00.000Z

Jóel veikur
Þá er Jóel Ernir orðinn veikur, vissi að það kæmi að því þar sem það er þvílíka pestin í gangi. Hann var kominn með hita í gærkveldi og hann hefur bara hækkað síðan þá, er samt bara 39° en það er sama því hann er svo slappur með þessu og farinn að hósta líka, ekki gott. Vona bara að Ómar Örn sleppi við þetta.

Ingrid er komin uppá Borgarspítala (ég veit hann heitir það ekki lengur en mér er alveg sama), það er búið að vera mikið basl á öðru lunganu í henni en það á víst að vera komið í lag og því var hún send þangað, allt á réttri leið semsagt. Hún er komin á bæklunardeild þar sem verið er að skoða nánar hvað á að gera við mjaðmagrindina, það á sjálfsagt að láta hana gróa eins og hún er en spurning hvort þarf að setja einhverja spelku á hana. Hún var látin taka 5 skref í dag þannig að þetta lítur vel út. Vona að þetta haldi áfram á þessari braut og hún komist af stað í endurhæfingu sem fyrst.

2006-03-26T17:15:00.000Z

Ég varð að setja þetta hérna inn líka, finnst síðasta lína alveg frábær þar sem ég er nýbúin að tala um egótripp á mér :) Ég er nú ekki alveg sammála því að ég sé með svona svaðalegt egó en jújú, maður hefur alltaf gaman af því að fá smá athygli :)

Your Element is Fire

Your power color: red

Your energy: hot

Your season: spring

Like a fire, you are full of power and light.
A born leader, you easily draw people toward you.
You are full of courage and usually up for anything dangerous.
You have a huge ego and love to be the center of attention.

What Element Are You?

2006-03-26T17:12:00.000Z

Djöfuls egótrippi er maður á núna :)

Your Spicy Score: HOT!

You're confident, sexy, and not afraid to go after any guy you want.
You can catch almost any guy's attention, and you're proud of it.
And while you may be too smoldering for some men...
They're not the type of guy you want anyway!

How Spicy Are You?

2006-03-26T17:09:00.000Z

Maður er greinilega ekki orðinn fullþroska þrátt fyrir að vera að nálgast þrítugt:)

You Are A Girl!

Are you ever serious? Well, you're seriously playful.
And guys are attracted to your girlish spirit and all the fun that follows.
Your girlish, temper, however... well, they could live without that.
Not to worry though, you never stay upset for long. It's off to the next adventure.

Are You A Girl Or a Woman?

2006-03-22T12:06:00.000Z

Fór norður um síðustu helgi, hrikalega gaman. Ákvað að keyra á fimmtudeginum, við Ómar Örn lögðum af stað um tvö og vorum komin útí Ólafsfjörð hálf sjö, það var engin umferð á leiðinni og voðalega þægilegt að keyra. Ég fór með Ómar til Gulla og Rögnu, kíkti svo á ömmu og afa, hafði ætlað mér að gista þar en ákvað að rúlla bara inná Akureyri til Sigrúnar fyrst ég var svona snemma í því.
Við kíktum aðeins út, fórum á Græna hattinn og svo á Amour. Andrea kom með okkur og þetta var ansi skemmtilegt stelpukvöld :) Sigrún fór heim á undan okkur (með kallinum sínum) en við Andrea vorum á Amour þar til lokaði, röltum svo af stað en vorum nú ekki að nenna því, vorum komnar hálfa leið upp gilið þegar Andrea stekkur á löggubíl og biður þá að keyra okkur heim, jújú ekki málið þeir gerðu það :)

Veðrið fyrir norðan á föstudeginum var GEGGJAÐ, við (ég, Andrea og Sigrún) kíktum í bæinn og sátum úti hjá Amour, Andrea í pilsi og hlýrabol ekkert smá sumarleg og fín. Um kvöldið kíktum við Sigrún bara aðeins út á rúntinn þar sem það var áætluð för á sleðamót klukkan átta á laugardagsmorgninum. Kom smá babb í bátinn þegar kom í ljós að Jessica var orðin veik og ferðin okkar í hættu.

Vöknuðum ekki fyrr en hálftíu á laugardagsmorgninum og Sigrún hringdi í Sigvalda (bróðir hennar) til að láta hann vita að við kæmum ekki á mótið, Sigrún var varla búin að skella á hann þegar hún hringdi í systur sína til að fá pössun yfir daginn svo við kæmumst, við rukum af stað og náðum að horfa á Sigvalda taka bronsið í spyrnunni :)
Fengum okkur að borða og héldum svo af stað uppí brautina þar sem Snocrossið fór fram, þvílík stemning og fjör :) Það fór svo að ákveðið var að gista bara og fara í matinn og á ballið eftir keppnina, Sigvaldi reddaði því og borgaði allt :) munur að þekkja svona menn :)

Maturinn var æðislegur, við vorum nánast orðin pakksödd þegar kom að "aðalréttinum" eða heita kjötinu, úff mig langaði svo að borða meira en það var bara ekki séns. Brjálað stuð á ballinu, ég var búin að drekka alltof mikið og lét auðvitað eins og fífl, eins gott að maður lætur ekki sjá sig nema 1-2 sinnum á ári fyrir norðan svo fólk nái sér aðeins á milli :)

Lögðum svo af stað til Akureyrar um hádegi á sunnudeginum, ég fór með Hrönn og Jóni Gylfa í risastóra pallbílnum þeirra, enginn smá bíll. Stoppaði bara stutt á Akureyri og renndi af stað til Ólafsfjarðar klukkan tvö að ná í Ómar Örn, fór svo beint af stað suður. Gekk mjög vel á leiðinni og autt nánast alla leið, smá hálka fyrri partinn en um leið og maður var kominn yfir heiðina var það búið.

2006-03-14T19:44:00.000Z

Ömurlegar fréttir í gær :(

Fékk hræðilega upphringingu frá Sævari í gær, hann hringdi rétt fyrir þrjú til að segja mér að Ingrid mágkona lenti í bílslysi á Sæbrautinni. Hann vissi ekki neitt nema að hún væri alvarlega slösuð en ekki í lífshættu, hann fór uppá spítala og sagðist hringja um leið og hann vissi eitthvað. Að bíða eftir að frétta eitthvað af henni var hræðilegt og ég grenjaði úr mér augun, fór og náði í Jóel og fór svo bara til mömmu og pabba.

Sævar hringdi svo og sagði mér að hún er mjaðmagrindarbrotin, öll rifbeinin vinstra megin eru brotin, annað nýrað er svo illa skemmt að það verður að fjarlægja það, innvortis blæðingar en það fór slagæð í sundur, hún fékk stóran skurð á vinstri handlegg og þurfti að sauma 30 spor þar og svo er hún öll blá, marin og skrámuð EN við erum samt fegin að ekki fór verr því þetta leit mjög illa út. Í dag kom svo í ljós að annað lungað var laskað en læknarnir eru búnir að laga það.

Hún er með meðvitund en auðvitað á rosalega sterkjum verkjalyfjum. Við ætlum að kíkja á hana á morgun, ég kvíði fyrir því að sjá hana í þessu ástandi en maður verður bara að taka á því.

2006-03-12T17:22:00.000Z

Ég er á lífi :)

Fór á djammið í gær með Evu, Halldóri og Tótu, hittum svo Röggu, Atla og Krissa á Hressó og kjöftuðum við þau. DJ-inn var svo hrikalega glataður að það var lítið hægt að dansa og ef það kom gott lag þá spilaði hann það í ca 27 sekúndur og svissaði svo, maður var rétt kominn á dansgólfið þegar maður fór til baka, glatað alveg.

Vorum á Hressó til fimm, fórum þá á Devitos þar sem Tóta bauð mér uppá pizzusneið og kók, þvílík snilld að geta farið þarna og étið eftir djammið, nammi namm.

Atriði kvöldsins varð þegar við fórum frá Devitos, við vorum stopp á rauðu ljósi og einn bíll fyrir framan okkur en þá kemur bíll sem er að keyra útaf bílaplani og reynir að troða sér fyrir framan mig en það var í fyrsta lagi ekki hægt og ekki SÉNS að ég myndi hleypa honum á undan en hvað gerir gaurinn hann flassar HNÍF og reynir að vera voðalega ógnandi, það mistókst herfilega þar sem við gjörsamlega biluðumst úr hlátri enda var aumingja náunginn lítið ógnandi í ljósblárri Nissan Micra, hann varð greinilega ansi pirraður og þvílíkur svipur á honum þegar við keyrðum hlægjandi í burtu. Hann toppaði algjörlega kvöldið :)

Þvílík rólegheit í gangi núna, vaknaði um ellefu og horfði á formúluna og svo fórum við með Jóel í fimleika, er svo bara búin að hanga hér heima og slappa af, NÆS.

2006-03-04T00:40:00.000Z

Föstudagskvöld og ég er bara heima, já undur og stórmerki :)

2006-03-02T11:06:00.000Z

Mons að láta sér líða vel :)

2006-02-27T12:02:00.000Z

Er þetta rétt?

Popular Kid

In high school, everyone knew your name - even if you didn't know theirs.

In fact, your still skating by on your looks and charm. Nothing wrong with that!

Who Were You In High School?

2006-02-24T02:27:00.000Z

Almennilegur bílaþvottur :)

Bíllinn minn væri sko alltaf hreinn ef þetta væri í boði hér:)

2006-02-23T15:37:00.000Z

Your Stripper Song Is

Pour Some Sugar on Me by Def Leppard

"Love is like a bomb, baby, c'mon get it on
Livin' like a lover with a radar phone
Lookin' like a tramp, like a video vamp
Demolition woman, can I be your man?"

Break out the baby oil, you rock it old school.

What Song Should You Strip To?

2006-02-22T00:01:00.000Z

Pirruð

Ekki sniðugt að blogga núna, veit ekki af hverju ég læt fólk á BL fara í taugarnar á mér en það er varla annað hægt þegar fólk getur ekki hugsað hlutina aðeins útfrá öðru en eingöngu sjálfum sér.

Hvernig er hægt að segja að kona sem rakar á sér píkuna eða er með sílikon sé ekki jafn hæfur uppalandi eða fyrirmynd og sú sem gerir þetta ekki????? Skil ekki alveg hugsunarganginn hjá sumum. Vissi ekki að píkuhár væru ómissandi hluti þess sem gerir mann að góðri mömmu eða fyrirmynd. Ég hlýt bara að vera svona einstaklega treg að halda virkilega að það væri persónan sem skiptir máli en ekki fjöldi píkuhára eða brjóstastærð.

Skal reyna að vera jákvæð og brosa :)

Erum á fullu að plana Noregsferðina í sumar eða öllu heldur í vor. Ætluðum með Norrænu en hugsa að við fljúgum bara og leigjum bíl, kemur nánast útá það sama en við náum fleiri dögum úti ef við gerum það svoleiðis. Það tekur alveg 5-6 daga bara í ferðalag með skipinu + ferðalag hér innanlands tekur sjálfsagt 4 daga því við myndum gista eina nótt á leiðinni til Seyðisfjarðar (fer ekki Norræna annars þaðan:)

Er að spá í að skella mér norður bráðlega, langar svo að kíkja á stelpurnar "mínar" og hanga með þeim. Ætli ég myndi ekki skella Ómari með mér og fara með hann til pabba síns, ég kæmist allavega ekki upp með að fara norður án þess að hafa hann með mér.

2006-02-20T17:37:00.000Z

Er ég ein um að finnast ÞETTA frekar, hhhmm er að leita að rétta orðinu, óeðlilegt?

Ég get bara ekki skilið hvað er verið að spá að leyfa 62 ára gömlum konum að fara í glasafrjóvgun, sérstaklega ekki manneskju sem á ELLEFU börn fyrir. Það er alveg vitað mál að hún mun ekki vera lengi til staðar fyrir barnið þar sem hún er orðin þetta gömul og ekki eins og hún eigi eftir að hafa orku til að halda í við barnið þegar það fer á kreik og vill fara í fótbolta, út að hlaupa eða hvað sem er.

Þetta er eins og ég ætti mömmu sem yrði 91 árs á árinu!!!!!!!!!!!!!!!!!!!!

Ég veit alveg að fólk á þessum aldri er margt mjög hresst og allt það EN mér finnst þetta samt ekki rétt.

2006-02-18T01:54:00.000Z

Frábært kvöld

Það var hittingur hjá mér í kvöld. Byrjaði á að sækja Írisi Dröfn uppí Höfða þar sem hún var í svaðalegu hátíðarkvöldverð. Við renndum svo til Jóhönnu Maríu en þar voru líka Andrea og Díana.
Við kjöftuðum um allt og ekkert, skoðuðum eldgamlar myndir af okkur og hlógum okkur máttlausar við það. Ég tók eitt nett hláturskast og ætlaði ekki að ná að hætta en við vorum að rifja upp prakkarastrik frá því við vorum krakkar, það sem okkur datt í hug að gera.
Eitt dæmi er að við snérum við kennslustofunni okkar einu sinni, tókum öll borð og færðum allt til, hrikalega sniðugt lið :)

Komumst að því að þó að við héldum að við hefðum verið hrikalega erfið og slæm þá vorum við víst bara til fyrirmyndar, allir kennararnir voða sáttir við árganginn enda ekki skrítið þar sem árgangarnir á undan og eftir voru skelfilegir.

Við töluðum líka um það hvað við erum heppin að bekkurinn okkar sé svona náinn, við stelpurnar hittumst mánaðarlega og við höldum "árshátíð" en hún var núna í janúar, þá reyna allir að koma suður því auðvitað búa margir fyrir norðan. Við getum alltaf kjaftað heilu klukkutímana og manni þykir bara alltaf jafn vænt um alla þessa krakka, það eru ekki allir svona heppnir.

2006-02-16T02:04:00.000Z

Jóel Ernir og Húgó sofandi :)
Húgó sæti

2006-02-16T01:32:00.000Z

Hversu ruglað í hausnum getur fólk verið!!!!!!!!!!!

ÞESSI frétt er hrikaleg.

Maðurinn heldur konunni í marga klukkutíma, lemur hana ítrekað og nauðgar nokkrum sinnum. Það er blóð um alla íbúð og konan illa farin eftir barsmíðar og mannfíflið reynir að halda því fram að hann hafi "sofið hjá henni" með hennar samþykki, djöfuls aumingi.

2006-02-15T19:26:00.000Z

Rúmlega 100 manns á sólarhring og ENGINN skrifar í gestabók eða comment!!!!!!!!!!!!!

Hneyksli, algjört hneyksli.

2006-02-14T19:12:00.000Z

DJÖFULL langar mig í svona bol!!!!!!!!!!!!!!
Mér finnst hana hrikalega flottur og ég efast ekki um að ég myndi vekja stormandi lukku í þessu.
Fólk myndi væntanlega stimpla mig sem egoistatík dauðans en WHO CARES....mér finnst þetta bara flott :)

2006-02-14T15:37:00.000Z

Búin að setja inn teljara og GESTABÓK!!!!!!!!!!!!!!!!!

Fyrst ég er búin að ná að gera það þá hugsa ég að ég færi mig bara alveg hingað yfir, finnst þetta miklu flottara blogg heldur en það gamla.

Hvað finnst ykkur?

Enn og aftur þá minni ég ykkur á gestabókina, kvitt þar eða skilja eftir komment hérna fyrir neðan :)

2006-02-14T14:02:00.000Z

Er að prófa nýja bakgrunna á síðuna, langar ekki að hafa þessa venjulegu og er búin að finna nokkra ansi flotta á netinu :)

Er bara hangandi heima, er búin að vera að drepast í maganum er mér líður betur og hugsa að ég fari í vinnuna á morgun, er algjörlega að morkna hérna heima og langar að komast út.

2006-02-12T22:41:00.000Z

Frekar súrealískt kvöld í gær. Fór uppí Sniglahúsnæði með Sævari og kjaftaði við liðið en stakk fljótlega af og fór til Evu Maríu og Halldórs. Spiluðum smá Trivial á meðan þau voru að hita sig upp en renndum svo heim til Hrundar þar sem Heiða og Friðrik Ómar voru. Við kjöftuðum þar aðeins og héldum svo niður í bæ. Ákváðum að kíkja á Jet Black Joe en þeir voru að spila á Gauknum. Á leiðinni var Regína Ósk pikkuð upp þannig að þetta var orðið reglulegt Eurovisiongengi sem maður var með.

Fengum okkur sæti uppi því JBJ voru í pásu, settust þá ekki Stebbi Hilmars og Friðrik úr Sálinni hjá okkur ásamt vini sínum. Það var frekar skondið að sitja þarna og fylgjast með viðbrögðum fólks í kringum okkur, allir glápandi á "stjörnurnar", takandi myndir og að tjá sig við þau, þetta hlýtur að vera hrikalega þreytandi til lengdar. "Moment" kvöldsins var þegar að Sódóma var spilað, það var hrikalega fyndið að hlusta á alla syngja hástöfum (ég líka) og sitja beint á móti Stebba Hilmars, frekar fyndið.

Sátum heillengi upp að kjafta en kíktum svo niður og djöfull er Palli Róz góður söngvari. Eini gallinn var að hann vildi ekki taka aukalag en hljómsveitin byrjaði bara að spila án hans og Jenni í BrainPolice vippaði sér uppá svið og tók með þeim Are you gonna go my way. Kom mér á óvart hversu góður hann er og svo skemmir ekki að hann var hrikalega hot á sviðinu

Vorum á Gauknum til ca fjögur en þá fórum við (ég, Eva, Halldór og Heiða) til að finna Hrund og Emilíu (hún kom að hitta okkur á Gauknum) og af einhverjum ástæðum hélt Heiða að þær væru á Kaffi Kósý, mér fannst það ansi ólíklegt en við ákváðum að tékka á því. Hentumst fyrst á Dubliners þar sem Sævar minn var ásamt sínu liði en við stoppuðum mjög stutt. Tróðum okkur inná Kaffi Kósý en þær voru ekki þar.

Hrund og Emilía voru komnar á Glaumbar þannig að ferðinni var haldið þangað en ég beilaði á þau og ákvað að fara til Sævars á Dubliner, hitti hann þar en þá var verið að fara á Amsterdam, sá staður er ekki beint í uppáhaldi hjá mér en ég lét mig hafa það. Vorum þar til ca sex en þá náði ég að draga Sævar þaðan út og við fórum heim, hann hefði ekki enst lengur í bænum enda orðinn sótsvartur af drykkju en ég var eiturhress enda bláedrú.

2006-02-11T14:23:00.000Z

Ætlaði að fara að segja að börnin mín væru týnd en þá komu þeir hlaupandi heim :)

4ra ára frændi minn sem býr í Köben en er í heimsókn á klakanum gisti hjá okkur í nótt og þeir fóru svo allir út að leika sér, ég bað þá að fara ekkert en auðvitað hurfu þeir. Ég hafði nú ekki miklar áhyggjur þar sem Ómar Örn var með þeim og hann passar uppá þá enda kom í ljós að þeir höfðu farið að aparólunni á Víðistaðatúni og svo á leikvöllinn hjá Hjalla og voru að leika sér.

Þeir voru hæstánægðir þegar þeir komu heim, þreyttir eftir mikinn hasar og hlaup. Þeir eru núna búnir að koma sér fyrir uppí rúminu hans Ómars og eru að horfa á Ávaxtakörfuna, fengu smá snakk með myndinni en það er jú nammidagur :)

2006-02-11T00:46:00.000Z

Ég var farin að örvænta en get greinilega tekið gleði mína á ný þar sem komið er í ljós að það á að gera Baywatch kvikmynd, úff ég sem hélt að ég myndi ekki fá að njóta þess að sjá fólk hlaupa í slowmotion í rauðum búningum á ný.

Já og svo skemmir ekki að Íslandsvinurinn Eli Roth mun víst leikstýra "meistaraverkinu" *hóst*

2006-02-10T14:50:00.000Z

Nýjasta myndin af mér, nýkomin úr klippingu þarna og voðalega ánægð með allt.

2006-02-10T14:47:00.000Z

Núna er þetta uppáhaldsbloggið mitt, það er svo auðvelt að setja myndir hingað inn :) Ég hef ekkert gert á þessu bloggi í marga mánuði og var eiginlega búin að gleyma því þar til ég fór að fikta í Picasa og prufaði þennan fítus þ.e. að setja myndir inná bloggið mitt. Núna verður maður að skella fleiri myndum inn á þetta.

2006-02-10T14:44:00.000Z

Sævar hrikalega hress á Landsmóti Snigla 2005, það var ótrúlega gaman og við skemmtum okkur dúndurvel bæði.

2006-02-09T23:39:00.000Z

Var að horfa á Grammy verðlaunin áðan og VÁ hvað Madonna er flott, manneskjan er að nálgast fimmtugt en er með líkama sem tvítugar stelpur myndu drepa fyrir.
Horfði nú ekki á alveg allt, skipti reglulega yfir til að geta fylgst með Nip/Tuck líka, maður er svo fjölhæfur Fannst atriðið með Kanye West og Jamie Foxx geggjað, hver hefði trúað að lúðrasveitastrákar gætu verið svona sexý

2005-04-26T20:03:00.000Z

Jæja, ég tók mig til og færði allt bloggið af blogspot hingað yfir því mér finnst þetta eiginlega betra hérna eins og Andrea mín benti mér á, var eiginilega búin að gleyma þessari síðu þangað til núna.

2005-04-12T23:23:00.000Z

Er að fara að breyta vinnutímanum aðeins, í staðin fyrir að vera 8-14 verð ég 8:30-15, held að það verði bara fínt.

Er búin að vera hrikalega "slök" í dag, geispandi og máttlaus og var sko ekki ein um það, flestir í kringum mig voru svona líka, eitthvað í loftinu. Mér finnst eins og ég hafi ætlað að gera eitthvað stórmerkilegt í dag en gerði svo ekkert, hef bara svona tilfinningu eins og ég hafi gleymt einhverju en veit ekki hvað það ætti að vera

Nú á að taka á því og fara að hreyfa sig duglega, Rut ætlar að píska mig áfram en hún er mjög dugleg í því þannig að þetta verður eins og að hafa einkaþjálfara með sér alltaf, hún hringdi í dag og spurði hvort ég ætti ekki örugglega línuskauta og sem betur fer keypti ég línuskauta í fyrrasumar þannig að ég mun bráðum sjást þeysast um bæinn á línuskautum, verst að ég hef ALDREI notað skautana á þessu ári þannig að ég mun örugglega renna nokkrum sinnum á rassgatið því ég er ógeðslega léleg á þessu en þetta kemur allt saman með æfingunni

2005-04-11T17:08:00.000Z

Var að vinna til 14 í dag, þvílíkur lúxus að vinna svona stutt á daginn, bara dásamlegt Er að vísu að fara á fund uppí vinnu eftir nokkrar mínútur og verð framá kvöld en það er bara einu sinni í mánuði þannig að ég býst fastlega við því að lifa fundinn af þó þetta sé leiðinlegt.

2005-04-11T00:36:00.000Z

Fórum til Einars og Gústu í matarboð í gær og fengum geggjaðan mat, fylltar svínalundir með öllu NAMMI NAMMI. Sátum í rólegheitum og kjöftuðum þar í dágóðan tíma þar til að ég stakk af að hitta Evu til að djamma, auðvitað Skildi Sævar eftir en lofaði honum að sækja hann seinna um nóttina.

Ég "renndi" heim að skipta um föt og hafa mig til, við vorum sko í Mosó og ég bý í Hafnarfirði, og fór svo í partýið til Evu í Kópavogi. Það var rosalega gaman þar þó ég hafi stoppað stutt, drykkjuleikir og brjálæði þar sem var MIKIÐ hlegið, gaman gaman

Um þrjú var haldið í bæinn og ég náði auðvitað að fylla bílinn af skemmtilegu fólki því ég tók Evu, Halldór, Freyju og Stebba með mér, við ákváðum að skella okkur á Rex. Það var ógeðslegt veður, bara bylur úti og öllum kalt NEMA MÉR því ég fór í úlpunni minni og skellti upp hettunni, uuumm hvað mér leið vel Komumst nánast strax inn, vorum kanski í 2 mínútur í röð. Þegar við komum inn var farið í að finna sér pláss sem gekk furðuvel og við fengum sæti eiginlega strax og plöntuðum Halldóri og Stebba þar, alltaf gott að hafa svona kalla með sér til að passa jakkana og veskin á meðan við stelpurnar skellum okkur á dansgólfið Fórum á barinn þar sem stelpurnar fengu sér Mojito og ég vatn, settum aðeins niður en svo var farið í að hrista kroppinn og svitna aðeins.

Það er alveg merkilegt á Rex að þar er pínulítið dansgólf, eiginlega bara dansherbergi þannig að það er mjög þröngt þar og maður hefði haldið að fólk gæti tekið tillit til þess en NEI NEI það þarf alltaf að vera einhver hálfviti sem dansar eins og spasstískur api í flogakasti, kippist til og frá og reynir eftir fremsta megni að rekast utan í mann og ýta við manni, gæti orðið brjáluð á þessu Lentum einmitt á einum svona í gær og honum fannst hann svo sniðugur þegar hann traðkaði á tánum á manni og gaf manni vel föst olnbogaskot í síðuna, helvítis fífl. Ég hafði það af að halda "kúlinu" og missa mig ekki á manninn en það tók á, ég hugsaði bara hvað hann yrði ánægður ef ég pirraði mig og ætlaði sko ekki að gera honum það til geðs.

Lentum á öðru eintaki seinna um kvöldið en sá gaur hélt greinilega að hann væri ómótstæðilegur í augum kvenna því það lak af honum EGÓ um allt, stóð og glápti á okkur og fór að troða sér að okkur til að dansa með, klípandi og strjúkandi mann, ég fékk nóg þegar gaurinn plantaði sér beint fyrir framan mig (hann sneri baki í mig) og skakaði sér þar, ýtti honum pent (eða ekkert svo pent) í burtu og sagðist vilja dansa við mínar vinkonur í friðir, Eva María lét hann svo heyra nokkur vel valin orð og hann lét sig hverfa, stuttu seinna var hann kominn með dömu í fangið svo allt blessaðist þetta hjá honum.

Um hálf fimm þá fór ég að sækja Sævar, skutlaði Evu og Halldór heim í leiðinni, og það var bara farið heim. Ég náði nú ekki að sofna strax, las blaðið og svona áður. Sváfum til hálf eitt og náðum þá í strákana til pabba, hann var að passa. Fórum að kaupa mat handa Mons því hann borðar bara eina tegund af mat og þegar við ætluðum að bjóða honum annan mat varð hann svo móðgaður, snerti ekki við þessu og borðaði ekkert í 2 daga þannig að við urðum að kaupa rétta matinn handa honum. Fór svo með Fanney Önnu til Evu að finna skart en það er árshátíð hjá henni bráðum og Eva á til svo mikið af flottu skarti að maður notar hana alltaf þegar mann vantar eitthvað, gott að eiga svona frænku

Núna þarf ég að drulla mér í háttinn, er orðin þreytt og þarf að sof vel því það er starfsmannafundur á morgun þannig að dagurinn verður langur

2005-04-09T12:44:00.000Z

Gerði ekkert um síðust helgi, fannst það alveg hrikalegt. Kíkti að vísu til Evu og Halldórs á laugardagskvöldið og endaði á að glápa með þeim á vídeó til hálf fjögur, víí.

Vikan var nú bara eiginlega heima, heima vegna veikinda fjölskyldumeðlima, ekkert gaman.
Kíkti út í gærkveldi en ég fór á hjálpartækjakynningu frá www.romantik.is Hrikalega gaman og mig langaði að versla HELLING en var ekki með pening, glötuð gella en ég panta þetta þá bara hjá þeim á netinu. Kíkti svo aðeins í bæinn með Ástu Jónu, Sigrúnu og Brynju. Við byrjuðum á að fara á Sólon en það var alveg glötuð stemning þar EN ég hitti að vísu Abba bekkjarbróðir að norðan, hrikalega gaman að sjá hann en hann var bara á leiðinni heim, búinn að dansa frá sér allt vit og að fara á æfingu morguninn eftir, held að hann hafi örugglega ekki verið sá hressasti á æfingunnin

Eftir Sólon héldum við lengra niður í bæ og kíktum á Hressó, það var "alltílagi" stemning en samt ekki alveg nógu góð, gerðum lokatilraun og fórum yfir á Pravda og þar var sko mín tónlist í gangi, brjáluð danstónlist þar sem maður dansar klikkað og svitnar eins og svín í leiðinni EN stelpurnar sem voru með mér eru ekki alveg að fíla sömu tónlíst og ég Það var farið á barinn og ég fékk mér eitt glas af "Valime" eða vatn með lime útí haha, aulahúmor. Eftir þetta renndum við bara heim, klukkan var um hálf fimm en það var eitthvað voða lítið líf í bænum, verður vonandi betra næst.

2005-03-31T13:42:00.000Z

ÉG Á AFMÆLI Í DAG, ÉG Á AFMÆLI Í DAG, ÉG Á AFMÆLI SJÁLF, ÉG Á AFMÆLI Í DAG!!!

Eins og þið sjáið kannski þá á ég afmæli í dag. Er núna orðin 28 ára og líst mjög vel á það, hef sjaldan skemmt mér eins vel um ævina og er að upplifa svo skemmtilegt tímabil að ég get enganvegin kvartað

2005-03-31T13:41:00.000Z

Á þriðjudaginn þegar að ég var að hafa Jóel til fyrir leikskólann fannst mér hann eitthvað veikindalegur og ákvað að mæla hann og hann var með hita. Ég hringi og tilkynni það að ég komi ekki en bjóst nú við að þetta liði fljótt hjá nema að seinna um daginn tek ég eftir nokkrum rauðum flekkjum og einni RISA bólu, fattaði auðvitað strax að þetta var hlaupabóla og fór það ekkert á milli mála nokkrum tímum seinna. Núna er hann orðinn frekar slæmur og farið að klæja í bólurnar greyið en hann er rosalega duglegur.

2005-03-31T13:35:00.000Z

Kerfið var eitthvað bilað þannig að ég komst ekki inn í marga daga, svo gleymdi ég mér aðeins

HHmmm, ég hef nú bara verið voða róleg undanfarið. Nei, nei það er ekki alveg satt
Guðrún var hérna hjá mér um páskana en það er frænka mín og vinkona sem býr í Danmörku. Við brölluðum auðvitað ýmislegt saman. Hún kom á skírdag og það kvöld kíktum við á Súfistann hér í firðinum og svo renndum við niður í bæ og fórum á Hressó, bara róleg stemning enda öllu lokað milli tólf og eitt.

Á föstudagskvöldið fórum við niður í bæ og kíktum á Sólon, það var rólegt fyrst en svo lifnaði staðurinn við og þá var sko farið að DANSA, brjálað stuð EN við urðum að fara inní Kópavog um þrjú því Eva og Halldór voru að koma frá London og Guðrún var með húslyklana þeirra, bömmer. Við pumpuðum þau uppí að koma með okkur aftur í bæinn og héldum að stað um hálf-fimm Það var búið að loka mörgum stöðum og við héldum á Glaumbar en það var nú ekki mikið stuð þar a.m.k. ekki eins og við viljum hafa það, eftir að Glaumbar var lokað var Guðrún í svo miklu stuði að hún þefaði uppi tónlist og dró okkur inná AMSTERDAM Ég hafði ekki mikla lyst á að vera þarna lengi þannig að við dönsuðum við nokkur lög og svo var haldið heim. Fyrst skutluðum við Evu og Halldór heim og svo fórum við Guðrún heim, vorum komnar um hálfsjö.

Laugardagurinn var með eindæmum rólegur, bara hangið og lítið gert, minnir mig Nenntum ekki að kíkja neitt út það kvöldið því öllu var lokað klukkan þrjú og sumt bara alveg lokað.

Á sunnudaginn dró ég Guðrúnu á skauta, Fanney Anna systir og Elín vinkona hennar komu líka með og það var æðislega gaman. Ég skautaði svo mikið að ég fékk blöðru á annan fótinn, ekkert smá dugleg maður

Á sunnudagskvöldið var svo mikið um að vera að maður vissi ekki alveg hvar átti að byrja eða halda sig. Okkur var boðið í partý til Hannesar en ég skutlaði Guðrúnu þangað þar sem hún hitti Addý vinkonu okkar. Ég sjálf ákvað að fara heim til Evu og Halldórs því Eva ætlaði að lána mér geggjaðan topp og mála mig, ég byjaði á að ná í Tótu vinkonu Evu og fór svo til þeirra. Hjá E+H var kjaftað og hlegið eins og alltaf Okkur var boðið til Tinnu og Kalla (vinafólk Evu) en áður en við fórum þangað náðum við í Guðrúnu, ég rétt kíkti inn en hin biðu bara útí bíl á meðan. Við fórum til Tinnu og Kalla og þar var aldeilis vel tekið á móti okkur, held að Kalli hafi verið barþjónn í fyrra lífi því hann blandaði þvílíkt flotta drykki handa stelpunum og var frábær gestgjafi. Tinna greyið var svo þreytt að hún var farin að sofa en Kalli og vinir hans ákváðu að kíkja með okkur í bæinn. Við enduðum á að fara á Ölstofuna, frekar öðruvísi, en það kom bara mjög vel út þetta kvöld. Fólk var ekki beint í dansstuði og því ágætt að geta setið og talað og auðvitað drukkið.

Guðrún átti flug klukkan hálfátta um morguninn þannig að ég var með töskuna hennar í bílnum hjá mér, vegabréfið og allan pakkann. Við fórum úr bænum um hálfsex og þá skutlaði ég liðið heim og Guðrúnu heim til mömmu og pabba því pabbi keyrði hana út á flugvöll. Þetta kvöld hefði mátt vera skemmtilegra en við gerum bara betur næst

2005-02-21T23:48:00.001Z

Veikindi og aftur veikindi.
Það virðast vera einstaklega sterkar og duglegar veirur í kringum mig því ég næ í allt sem er í gangi. Er búin að ganga í gegnum inflúensu pakkann, hita, kvef og ógeð, fór að vinna í nokkra daga og er svo aftur lasin en núna með viðbjóðslegan hósta, særindi í hálsi, eyrnabólgur (eins og litlu börnin), kinn- og ennisholubólgur, GLATAÐ. Ég er orðin einstaklega þreytt á að hanga heima hjá mér en treysti mér bara alls ekki í vinnuna enda vinn ég þannig vinnu að það þýðir ekkert að vera þar veikur.
Ætli ég endi ekki bara á því að segja upp því ég er orðin mjög þreytt á þessu starfi og langar mikið að breyta til, stefni á skóla í haust og svona.

2005-02-11T01:52:00.000Z

Jæja þá er enn einn dagurinn liðinn hjá án þess að maður geri nokkuð uppbyggjandi, væl væl væl.

Var heima með litla veikan en ætla nú að reyna að fara í vinnuna á morgun og láta kallinn vera hjá stráknum, fer eftir því hversu slappur hann verður í fyrramálið því ég vil vera hjá honum ef hann verður mikið lasinn. Er búin að panta tíma fyrir hann hjá HNE lækni og ætla að láta tékka á hvort þurfi að taka úr honum hálskirtlana en það er búið að taka úr honum nefkirtlana fyrir löngu. Er orðin ógeðslega þreytt á þessum veikindum en er líka að kafna úr leiðindum í vinnunni og er alvarlega að hugsa um að segja upp sem fyrst og gera eitthvað annað. Er að gæla við að fara í FÁ í haust og taka þar sjúkraliðann og bæta aðeins við mig og taka stúdentinn í leiðinni, þá getur maður jafnvel haldið áfram og tekið hjúkkuna seinna meir, brjáluð framtíðarplön í gangi þessa dagana. Held að ég sé alveg hætt við að fara í Kennó, efast um að ég meiki þetta mikið lengur og hvað þá að mennta mig í einhverju sem ég er ekki alveg að finna mig í og þar sem launin eru drulluléleg, veit að þau eru ekkert mikið betri í sjúkraliðanum en mér finnst það þó opna fleiri dyr fyrir mig að taka það og svo er auðvitað mjög hæpið að ég komist inní Kennó þar sem ég er ekki með stúdentinn.

Við fengum þvottavélina okkar í dag, loksins hægt að þvo eitthvað af þessu fjalli sem komið er inní þvottahúsi og svo í gær kom kall hingað heim og stillti bílinn okkar við bíllykilinn en ég týndi sko bíllyklunum og aukalyklunum líka, klaufi dauðans. Þetta kostaði ekki nema 10.000 alltíallt þannig að núna verð ég bara með lykilinn fastan um hálsinn á mér eða eitthvað álíka.

Er að hugsa um að skella mér á djammið um helgina, horfi auðvitað á Idol og svo kannski í eitt stykki partý og svo bara niður í bæ. Fór á Sólon fyrir 2 vikum og skemmti mér alveg helvíti vel þannig að ég væri til í að fara þangað aftur. Er búin að þræða nokkra staði undanfarið og er alveg komin með ógeð á Pravda (þvílíkur soralýður sem hangir þar) en þvílíkur hryllingur sem ég lennti í um daginn en þá villtist ég inná Amsterdam og OJBARA, var fljót að láta mig hverfa þaðan.

2005-02-10T01:14:00.000Z

Öskudagurinn í dag, allir búnir að bíða spenntir eftir þessum degi og hlakka mikið til en hann varð nú ekki jafn skemmtilegur og við vildum.

Dagurinn byrjar á því að ég fer til að vekja þann stutta en finn að hann er sjóðandi heitur, mæli drenginn og þá kemur í ljós að hann er með 39°hita, ekkert lítið svekkelsi þar sem það var grímuball í leikskólanum og hann ætlaði að fara í flotta Súperman búningnum sem ég var að kaupa á hann. Hann tók þessu nú ótrúlega vel og talaði lítið um þetta, held að hann viti í raun ekkert hverju hann var að missa af og hann klæddist bara búningnum hér heima í staðinn og lá í sófanum að horfa á teiknimyndir. Ég hélt að hann væri að lagast en svo seinni partinn og í kvöld hefur hann orðið verri og verri, er enn með bullandi hita og hræðilegan hósta. Ég verð að láta tékka á hálskirtlunum hans.

Stóri var hermaður í dag, var frí í skólanum hjá honum og vinur hans kom í morgun því þeir voru búnir að ákveða að fara saman að syngja. Þeir fóru útum allt og náðu sér í dágóðan slatta af nammi en þá dynur ógæfan yfir (smá drama hérna). Stóri hringir hágrátandi heim og er þá búinn að týna öllu namminu, missti það á gólfið á Dominos og það var svo mikið af krökkum inni að allt fór um allt, tróðst undir og týndist. Hann var alveg miður sín yfir þessu og kom bara heim búinn að fá nóg af þessu. Hann fékk auðvitað sárabætur og við keyptum nammi handa honum og svo kom amma hans líka með fullt af nammi þannig að hann var sáttur.

Ég er bara búin að vera að sinna sjúklingnum mínum í dag og sé fram á að gera það líka á morgun.

2005-02-08T18:05:00.000Z

Annar venjulegur dagur, úff hvað maður lifir tilbreytingalausu lífi :-/
Var að vinna til 14 en fékk þó smá tilbreytingu í vinnunni því ég var send á milli deilda, það var alls ekki slæmt að prófa eitthvað nýtt.Eftir vinnu var haldið heim þar sem kallinn og vinur hans voru að vesenast með þvottavélina okkar sem tók sig til og bilaði, ekki gaman að vera 4 í heimili og þar af eru 3 karlkyns og engin þvottavél, ömurlegt alveg.
Núna erum við á leið í saltkjöt og baunir hjá ömmu, ég borða ekki þennan "mat" þannig að ég horfi bara á enda stalst ég til að kaupa mér Subway, passaði vel hvað fór á hann þannig að vonandi var það í lagi.
Aldrei að vita nema eitthvað einstaklega spennandi gerist í kvöld og þá kemur það auðvitað hér inn.

2005-02-07T23:28:00.000Z

Ógeðslega venjulegur dagur í dag, einstaklega óspennandi eitthvað. Fór í vinnuna og vann auðvitað, ég þjáist um þessar mundir af alvarlegum vinnuleiða og langar mikið til að hætta.

Fór eftir vinnu í Smáralindina með litla gaurinn til að kaupa grímubúning en þá var búningurinn sem hann vildi búinn, alveg týpískt, hann fann síðan Superman búning og vildi ekki sjá annað eftir það, gott að það er ekki mikið mál að gera hann ánægðan og nú er ég með lítinn Superman á heimilinu því hann vill auðvitað ekki klæðast öðru. Ég náði líka að kaupa hrikalega sæt föt á litla nýfædda prinsessu fyrir norðan, hélt ég ætti pappír til að pakka þessu inn en þá var það bara jólapappír, kaupi bara á morgun og sendi norður. Ég keypti líka bol handa MÉR og ætla sko að fara alein bráðum og versla heilan helling handa MÉR og bara MÉR, á það sko alveg skilið.

Ætla að fara að koma mér í háttinn núna, er bara drulluþreytt eftir þennan dag, ekkert smá sem þessar búðir ná að draga úr manni orkuna.

2005-02-06T19:47:00.000Z

Vorum að koma heim eftir að hafa verið í bústað alla helgina, æðislegt að fara útúr bænum og hlaða batterýin aðeins. Er búin að vera ógeðslega lasin alla vikuna og veitti ekkert af smá tilbreytingu eftir þvílík veikindi, úff hvað er ógeðslega leiðinlegt að hanga veikur heima, oj bara.

Að allt öðru, djöfull er ég fegin að Brynja datt útúr Idolinu, uss hvað hún náði að hanga lengi inni án þess að eiga það skilið. Ég fór í Smáralindina þegar Sálarþemað var og hún var svo hræðileg og minnti mig nú bara á Leoncie, alveg sömu hreyfingar og röddin jafn léleg. Hún má eiga það að hún er rosalega sæt og myndarleg en það er bara ekki nóg þó að einhverjum 14 ára rindlum finnist það kannski duga, sjá þessa gaura sem voru í stuðningsliðinu hennar, ómægod.
Mínar konur Heiða og Lísa halda áfram, held að þjóðin þurfi að athuga sinn gang aðeins með Heiðu því það er eins og fólk sé að kafna úr öfund eða einhverju þegar minnst er á hana, segist ekki kjósa hana því hún sé OF GÓÐ eða OF ÖRUGG, ég meina HALLÓ er það ekki það sem þessi keppni á að snúast um, að vera góður söngvari og kunna sig á sviði, ég hef greinilega verið að misskilja ef svo er ekki.

2005-02-06T19:46:00.000Z

Byrjuð að blogga aftur, eins gott að maður standi sig betur í þessu núna.